Velferðarþjónusta, fjöldi notenda eftir tegund þjónustu

Gagnapakkinn inniheldur árlegar fjöldatölur yfir notendur velferðarþjónustu Reykjavíkurborgar, skipt eftir tegund þjónustu. Auk þess er samtöludálkur þar sem heildarfjöldi er leiðréttur fyrir því að notendur geta fengið fleiri en eina tegund þjónustu, en sögulega hefur um það bil þriðjungur notenda hlotið fleiri en eina tegund þjónustu á ársgrundvelli.

Gögnin eru upprunnin hjá Velferðarsviði Reykjavíkurborgar og eru fyrir árin 2001-2017. Tölur um ferðaþjónustu fatlaðra og akstursþjónustu eldri borgara árið 2008 miðast við fjölda notenda í desember.